हा.. तिरंगा..💐
🇪🇬 हा तिरंगा.. हरित शिवारातुनी.. केशरी पातीतुनी... धवल पुष्पातुनी.. डौलाने फडकतो... हा.. तिरंगा.. सृष्टी गीत गातो !!! मातीच्या कणाकणातुनी.. खळखळत्या झऱ्यातुनी.. सळसळत्या धानातुनी.. आनंदे नाचतो.. हा .. तिरंगा.. समृद्धी गीत.गातो!!! वीरांच्या बलिदानातुनी.. स्वातंत्र्य गीतातुनी.. कृष्णाच्या गीतेतुनी.. बुद्धीने झळकतो। हा.. तिरंगा.. संविधान गीत गातो !!! सीमेच्या रेषा . रेषातुनी.. जवानांच्या श्वासाश्वासातुनी.. रक्ताच्या थेंबाथेंबातुनी.. सळसळतो। हा .. तिरंगा.. स्फूर्ती गीत.गातो !!! विज्ञान कुशीत शिरूनी.. अमोघ क्षेपणास्त्रे भेदुनी.. परदेशीय उपग्रह सोडुनी.. अवकाश व्यापतो। हा..तिरंगा.. वैश्विक गीत गातो!!! संस्कृतीची कास धरूनी.. संस्कारांची माला लेऊनी.. यंत्राच्या आरीआरीतुनी.. सर्वश्रेष्ठ ठरतो। हा .. तिरंगा.. स्वातंत्र्य गीत गातो!!! उन्नती गाडगीळ🌹🙏